Velkominn á UNGA Alþjóðlega Sviðslistahátíð ASSITEJ fyrir börn.

​

Hátíðin  hefur verið haldin annað hvert ár í Reykjavík frá árinu 2013 og hefur boðið upp  á innlendar og erlendar sviðslistasýningar fyrir börn og ungmenni auk smærri viðburða. Hátíðin hefur verið haldin  í tengslum við Barnamenningarhátíð í Reykjavík frá upphafi. 

Að þessu sinni er hátíðin með með meiri alþjóðablæ en venjulega en fjórar sýningar frá Grænlandi, Noregi, Litháen og Luxembourg heiðra okkur að þessu sinni með frábærum sýningum fyrir börn á öllum aldri. Í fyrsta skipti verður boðið upp á sýningu sem er sérstaklega gerð fyrir sjónskert og skynsegin börn og aldrei hafa verið eins margar sýningar í boði fyrir yngstu áhorfendurna frá 6 mánaða til 3 ára.  Það er líka ánægjuefni að ein íslensk sýning er frumsýnd á hátíðinni, sýningin Innblástur sem verður sýnd í Tjarnarbíó.

Sviðslistasýningar fyrir börn eru mikilvægur þáttur í menningaruppeldi okkar og flest okkar muna sína fyrstu leikhúsferð. Sviðslistirnar spyrja ekki um uppruna, tungumál eða bakgrunn barna.  Þær einfaldlega veita barninu innsýn í töfraheim sem er fullur af ævintýrum, gleði og boðskap um betri heim.

​

Kæru börn - njótið UNGA

Lárus Vilhjálmsson 

​

​